Baaki hai

Aata to bht kum hai
Par sab kuch seekh lene ki chahat hai
Pair zameen par hi sahi
Aasman se taare tod lane ki bagawat hai
Ek chhoti si zindagi mukhtasar hai
Mulakat mukummalaat ek hunar se honi baki hai
Jeena agar seekhna hai
To seekhne ki pyaas bht baaki hai
Seekhna agar jeena hai
To Jeene ki aas ab bhi baaki hai

Kuch rang saja lein kabhi
To kuch taar chhed lein idhar
Kabhi Nazar us chaand pe pherein
To kabhi gungharuon me taal jaayein bikhar
Suron ki samjh to nahi
Par kabhi gunguna lein ek taan ek peher

Bas lekhni hi hai
Jo har baar wapas bula leti hai
Ghar ho gayi ho jaise ye
Rangon me doob jaun
Ya jayein ghungroo bikhar
Aana laut kar wapas yahi hai
Is kalam aur kaagaz k tukde k paas
Sang roenge baith kar
Pyaar ka izhaar b yahin kar lenge
Kuch ummedein saja lenge
Kuch khwaab tod lenge

Uthenge fir kisi subah
Rango me doob jaane ko
Kisi khoobsurat taal par thirakne ko
Aur laut kar phir yahin aaenge
Mehsus kiye har jazbaat ko fir yahin sajaenge
Jo bhi seekha, jo b Jana
Kaid fir is kaagaz me kar jaenge
Hum kal rahein na rahein
Ye qaayanaat yahin is kagaz me samete chale jaenge
Ek hissa is zindagi ka
In lafzon me mukammal kiye jaenge